Hvaða lið floppa?

Miðað við hvernig liðunum hefur gengið við þróunaraksturinn í vetur þá virðist blasa við að Red Bull floppi í ár. Og jafnvel Toyota líka.

Þetta er nokkuð undarlegt í ljósi þess að þau voru langfyrst til að smíða keppnisbíla sína og byrja prófanir á þeim. Mike Gascoyne tæknistjóri Toyota sagði blákalt að það myndi veita liðinu gríðarlegt forskot - það gæti verið búið að sníða alla galla sem óhjákvæmilega fylgdu svo miklum reglubreytingum og fyrir árið í ár. Fyrir vikið myndi Toyota mæta með óbrigðulan bíl í fyrsta mót. Í ljós kemur um helgina hversu sannspár hann reynist.  

Það á líka við um Red Bull að það er ekki allt fengið með peningum. Ekkert hefur verið til sparað og toppmenn keyptir til liðsins, síðast Adrian Newey frá McLaren. Minnir mig á Chelsea sem afrekaði frekar lítið árum saman þótt dýrar stjörnur væru í flestum stöðum.

Athugasemdir

[Árni Matthíasson , 10.3.2006 kl. 11:43]

Það er ekki alltaf til bóta að hafa of mikinn tíma til verka. Toyota-menn hafa væntanlega ætlað sér að taka of stórt skref að þessu sinni. Sígandi lukka er best. Annars átti maður svosem ekki von á miklu frá Red Bull.

[Steinn E. Sigurðarson, 10.3.2006 kl. 15:27]

Ég reikna með að sjá góða hluti frá Williams í ár, ég hef trú á þessum cosworth mótor.