Formúla 1

Þriðjudagur, 21. mars 2006

Vondir vængir og váleg tíðindi

Bomban er fallin, bæði fram- og afturvængur Ferraribílanna eru ólöglegir samkvæmt úrskurði Alþjóða akstursíþróttasambandsins (FIA). Og afturvængir McLaren og BMW ofan í kaupið. Þá er það komið á hreint.

Breytingarnar sem Ferrari og McLaren þurfa að gera munu verulegar en afturvæng BMW mun þurfa breyta smáræðis.

Þetta gæti átt eftir að koma hart niður á liðunum, sérstaklega Ferrari og McLaren. Vængirnir hafa jú veruleg áhrif á getu bílanna og vegna V8-vængjanna ríður enn meira á að loftflæðið um bílinn sé skilvirkt og bæti hraða þeirra.

Nýir vængir koma því líklega til að draga úr ferð bílanna. Þar með er þess allt eins að vænta - a.m.k. fyrst um sinn - að Renault og Honda slíti sig frá McLaren og Ferrari í stigakeppnum formúlunnar. Það eru vissulega váleg tíðindi því hætt er við að keppnin verði ekki eins tvísýn og spennandi og í fyrstu tveimur mótum ársins.

Vitaskuld fara tæknimenn liðanna út á ystu mörk hönnunarrammans eins og hann er lagður niður í tæknireglum formúlunnar. Vænghönnuðir framangreindra liða hafa ekki aðeins farið inn á grátt svæði, heldur út fyrir ramman, samkvæmt niðurstöðum FIA.

Flokkur: Formúla 1 | Breytt s.d. kl. 10:34 | Facebook

Athugasemdir

Já, það er möguleiki á því en reynslan sýnir að þegar um meint brot á tæknireglum er að ræða þá áfrýja liðin ekki. Og tæknistjóri FIA, Charlie Whiting, tekur svona ákvarðanir næstum því í samráði við viðkomandi lið; fer yfir málið með þeim og rökstyður sína afstöðu. Oftast er um eitthvað að ræða sem í besta falli er á gráu svæði og liðin taka svona ákvörðun. Með áfrýjun og veseni vofir nefnilega enn verri niðurstaða yfir höfðum þeirra; að árangur í keppni þar sem hinn umdeildi hlutur var notaður er strikaður út. Því er það besti kosturinn yfirleitt að taka svona niðurstöðu sem hundsbiti og vera í lagi í næsta móti.

Ágúst Ásgeirsson, 22.3.2006 kl. 19:58

Nýjasti úrskurður segir að vængirnir séu ekki ólöglegir samkvæmt www.formula1.com

Eðvarð Þ G (IP-tala skráð) 2.4.2006 kl. 14:31

Verð að viðurkenna að ég er þeirrar skoðunar að vængir eigi að uppfylla ákveðin skilyrði um styrkleika en síðan eigi liðin að ráða því hvernig útfærslan er að öðru leyti. Mér finnst að vélarafl eigi að vera ráðandi þáttur í því hversu hratt bílarnir geta keyrt en ekki viðloðun þeirra við brautina.

Kveðja

Hans

Hans J. Gunnarsson, 3.4.2006 kl. 10:16