Aprílgabb hjá Ferrari eða áhrif vængjanna?

Botna ekkert í árangri eða öllu heldur getuskorti Ferraribílanna í tímatökunum í Melbourne. Komast ekki gegnum niðurskurðinn í hóp 10 bestu. Áreiðanlega hafa einhverjir haldið að um aprílgabb væri að ræða. En ætli skýringin á ónógum hraða - sem Schumacher segir að verði að finna - hafi eitthvað með ólöglegu fram- og afturvængi bílsins að gera sem Ferrari var beðið að taka af bílnum eftir síðasta mót? 

Athugasemdir

[Ágúst Ásgeirsson, 1.4.2006 kl. 16:47]

Vonandi reynast tilfinningar þínar réttar og megi Ferrarimenn vinna slatta af stigum í kappakstrinum á morgun. Þó ekki nema bara til þess að halda einhverri spennu í stigakeppninni. Einhvern veginn held ég að keppnin verði hrikalega spennandi; þar munu koma við sögu báðir Renaultþórarnir, báðir McLarenþórarnir og Button. Ég hefði heldur ekkert á móti því að hann færi með sigur af hólmi, er eiginlega farinn að finna til með honum; þessum viðkunnanlega pilti sem ég sat á spjalli með í Monza 2000. Hann hváði þegar ég sagði honum hvaðan ég væri og þótti sérkennilegt að þangað væri kominn blaðamaður ofan af Íslandi til að fylgjast með kappakstrinum og að tjaldabaki.

[Hans J. Gunnarsson (IP-tala skráð) 2.4.2006 kl. 07:47]

Eftir að hafa fylgst með beinum útsendingum formúlunnar frá því áður en Schumacher varð heimsmeistari í fyrsta sinn er ég á þeirri skoðun að búið sé að eyðileggja þessa íþrótt með illskiljanlegu síbreytilegu reglufargani. Þegar ákveðið var að banna dekkjaskipti á síðasta var það hámark forheimskunnar sem hrjáð hefur íþróttina á síðustu árum.

Kappaksturinn í Bandaríkjunum á síðasta árið var síðan ein mesta niðurlæging sem þessi íþrótt hefur mátt þola. Reglurugl síðustu ára hefur að vísu gert íþróttina meira spennandi en ég held að það hefði mátt ná svipuðum árangri með því að setja þak á það fjármagn sem fór í rannsóknir.

Eins og ástandið er núna þá er afleiðingin sú að ég hef að mestu misst áhugann á að horfa í þessar 4 klst sem beina útsendingin stendur yfir. Íþróttin hefur færst úr því að vera íþrótt þeirra sem skaga fram úr yfir í að vera íþrótt meðalmennskunar þar sem reglum er breytt í hvert sinn sem einhver einn fer að sýna betri árangur en hinir.

Kær kveðja
Hans J. Gunnarsson

[Ágúst Ásgeirsson, 2.4.2006 kl. 11:32]

Það er ekkert óeðlilegt að þessar miklu breytingar á reglum sem átt hafa sér stað undanfarin ár rugli fólk í rýminu. Fram og til baka breytingar eru ekki trúverðugar og undarlegar í ljósi þess að hér er um rúmlega hálfrar aldar gamla keppni að ræða en ekki einhverja nýjung.
En vonandi eru menn að komast á sléttan sjó í þessum efnum og má líklega þakka uppreisnarliðunum innan GPMA það að einhverju leyti.
Áhugi minn dofnar þó ekki og hefur aukist ef eitthvað er eftir spennandi ár í fyrra og skemmtileg mót til þessa í ár! Vonandi er að Hans hressist og taki gleði sína á ný.

[Eðvarð Þ G (IP-tala skráð) 2.4.2006 kl. 14:30]

Enn og aftur verð ég aðeins að setja út á þig Ágúst, ef þú hefur lesið þig eitthvað til um málið þá gætirðu kannski sagt satt frá í stað þess að koma með ósannar staðhæfingar á opinberum vettvangi. Hér kemur tilvitnun frá tæknimönnum formúlunnar...

Such principles are no huge secret, but only the top teams are likely to find ways of designing structures that may flex at high speed, but still pass the relevant FIA tests. Nothing illegal was found on Ferrari's car at Sepang, but for Melbourne reinforcements have been applied where the upper wing profile meets the nose (see detail), making for a more rigid connection.

Þarna stendur að EKKERT ÓLÖGLEGT var fundið að þessum vængjum, hin liðin kvörtuðu undan þessu til að athuga hvort FIA sæi eitthvað að þessu og þá hvort þetta bryti lögin og reglurnar hjá FIA. Vængurinn gerði það ekki samkvæmt nýjustu fréttum og var þess vegna ekki ólöglegur. Heldur var hann það umdeildur að Ferrari ákvað að taka hann undan.

Ég er sammála Birni hérna með þetta reglufargan, að mínu mati er búið að skemma þessa íþrótt með síbreytilegum reglum og nú er verið að tala um að breyta þeim frekar fyrir næsta og næstu ár. Mín skoðun er sú að árið í fyrra varð leiðinlegra en það þurfti að vera vegna þess að aldrei mátti skipta um dekk nema í neyð. Það gerði það að verkum að þjónustuhléin urðu slöpp og lítið spennandi gerðist. Algegnt var að sú staða sem menn voru á í hring 5-10 segði til um lokastöðu mótsins með undantekningum.

[Hans J. Gunnarsson, 3.4.2006 kl. 10:08]

Kannski er ég bara orðinn þreyttur en þegar dekkjaskipti voru bönnuð í fyrra var mér öllu lokið. Það eina sem ég sá gerast var að hættan í íþróttinni jókst.
Sú regla hafði líka þau áhrif að vægi samspils innan hvers liðs minnkaði.

Verð að viðurkenna að mér fannst stundum ekki lítið gaman þegar menn voru ekki tilbúnir með dekk eða annað og allt fór í vitleysu. Eiginlega var það meiri skemmtun en þegar menn voru að rústa bílunum eins og til dæmis í Belgíu um árið.

Þegar Nikki Lauda slasaðist á sínum tíma hafði það þau áhrif á mig að um mig fer ónotahrollur í hvert sinn sem bílum er rústað.

Kveðja

Hans

[Hans J. Gunnarsson, 3.4.2006 kl. 10:10]

Gleymdi einu...
Uppákoman í Bandaríkjunum í fyrra var svartur blettur á íþróttinni og sýndi, að mér fannst, hvað getur gerst þegar reglufarganið er orðið of yfirgnæfandi.

Hans